Fiskur er bestur.

Gott að komin er niðurstaða úr rannsókninni. Fiskur er mikið í mat á mínu heimili. Þetta er besta hráefni sem ég get hugsað mér. Best þykir mér steinbítur, hlýri, lúða og þorskur. Það er svo gaman að elda úr fiski. Grilla, ofnbaka, innbakaður, það er óendanlegt hvað hægt er að gera úr fiski. En verðið á honum er kannski í efri kantinum, en samt hann er svo frábær.
mbl.is Fiskurinn frábært megrunarfæði
Tilkynna um óviðeigandi tengingu við frétt

Hefur þetta ekki komið fram áður?

Fréttin byrjar skemmtilega. Auðvitað er rauðvín hollt, í hófi. Læknar hafa ráðlagt drykkju rauðvíns með mat, eða eitt glas á kvöldi. En ég vissi ekki að það bæri engan árangur, ef drykkja byrjar eftir miðjan aldur. Hvaða bull er nú það. En endirinn á fréttinni dregur svo allt í land.  Tilraunin var gerð á músum og ekki víst að það passi við menn. Huhhhhh bull og vitleysa. Skál.
mbl.is Rauðvín bætir lífið - a.m.k. hjá músum
Tilkynna um óviðeigandi tengingu við frétt

Alveg öskureið.

Nú nýlega var stödd hér á landi sendinefnd frá "Sádi Arabíu". Að sjálfsögðu var þeim boðið í Bláa Lónið, með öllu tilheyrandi, hvað annað. En sökum þeirra trúaraðstæðna, þá máttu engar konur vera í Lóninu. Þeim var því boðið eftir lokun og engar konur starfandi það kvöld. Er ekki verið að draga okkur á asnaeyrunum? Það er greinilega ekki sama Jón og séra Jón. Þetta var allt í boði Alþingis eða okkar allra, sem eigum að spara og spara vegna efnahagsástandsins í þjóðfélaginu. Svona lagað gerir mig alveg öskureiða.

Hættulegur jarðvegur?

Allt í einu eru menn komnir í hlífðarfatnað og allt kerfið komið í gang. Það fundust hræ í október á síðasta ári. Þarna eru hús til staðar og mjög sennilegt að þarna hafa börn og dýr verið að leik og jafnvel að moka sér til gamans. Ef menn eru í hlífðarfatnaði (klæddir eins og geimfarar) er þá ekki einhver hætta á ferðum?
mbl.is Gæta verður fyllsta öryggis
Tilkynna um óviðeigandi tengingu við frétt

Hljómsveitin Hættir.

Nú nýlega var stórafmæli í fjölskyldunni (60 ár). Það var auðvitað haldin veisla með tilheyrandi næringu og vökva til að skola öllu niður. Svo til að halda uppi fjöri, voru fengnir á staðinn hljómsveit sem kallar sig Hættir. Þeir voru víst hætti en hættu svo við. Þetta eru þeir Gunnar og Haukur og eru þeir frábærir stuðboltar. Þeir spila músík sem hentar öllum. Og þá á ég við ALLA. Það var æðislegt stuð og ekki hægt annað en dansa og dansa og dansa. Við rákumst á bloggið þeirra á netinu. http://haettir.blog.is


Þvílík bull og vitleysa í gangi.

Og sóun á almannafé. Það er ekki að sjá að kreppa sé í gangi.
mbl.is Ísbjörninn að Hrauni dauður
Tilkynna um óviðeigandi tengingu við frétt

Frí í Danaveldi.

Sælt veri fólkið. Nú er ég stödd í Kaupmannahöfn ásamt dóttur minni og börnum hennar (sem er nú kannski ekki í frásögu færandi). Í dag 17. júní ákváðum við að fara í Tívolí. sólskin og gott veður. Við vorum komin á staðinn um hádegi og tókum því bara rólega. Fengum okkur hressingu, fórum í tæki, fengum okkur meiri hressingu, gengum um og fórum í allskonar skotbakka, fengum okkur aftur hressingu o.sv.frv. Þegar klukkan var að ganga átta ákváðum við að fara að halla heim á leið. Þar sem við búum á Amager, þurfum við að taka strætó. Við settumst inn og strætó og hann fór af stað. Þegar bíllinn var komin langleiðina á endastöð (þar sem við förum út) kom allt í einu nokkrir menn þjótandi inn í bílinn og rukkuðu fólk um miða síðan um skilríki. Fólkið sem athyglin beindist að var litað fólk. sennilega Indverjar eða slæðufólk. við auðvitað hrukkum við og barnabörnin mín vissu ekkert hvað var í gangi. Ég tek það fram að athyglin beindist ekki að okkur nema dótturdóttur mín sem er 11 ára var spurð að því hvort hún væri túristi og hún sagði bara já. Málið dautt. Þetta var ekki góð lífsreynsla. En samt, við ætlum að fara í dýragarðinn á morgun og gera svo eitthvað meira skemmtilegt.

Kveðja frá Köben.


Halló halló,einn af heimilisfólkinu.......

Ég er kattareigandi og mikill dýravinur. Það er nokkuð um það að foreldrar eða forráðamenn fái dýr á heimilið fyrir börnin. Það er, jú gott fyrir alla. En þegar vorar og fólk fer að huga að sumarleyfum, þá kemur babb í bátinn. Hvað á að gera við dýrið. Hunda er jú hægt að taka með í frí um landi, en ekki ketti eða hvað? Jú það er hægt ef viljinn er fyrir hendi. Það er enginn vandi að ala upp ketti. Setja reglur. Vera ekki úti eftir kl.22:00 o.sv.fr. Þetta er ekkert mál. Ef dýr er tekið inn á heimilið er það einn af fjölskyldunni. Ef því er úthýst, það erum við að úthýsa einu úr fjölskyldunni.
mbl.is Hundur á hverja tuttugu íbúa á Suðurnesjum
Tilkynna um óviðeigandi tengingu við frétt

Bloggfærslur

Þann tíma sem ég hef verið að blogga, hef ég tekið eftir því á hvaða tíma sólarhringsins fólk er að blogga. Ekki að ég sé bara að einblína á það, heldur er það tekið fram á blogginu. Flestir eru að blogga eftir miðnætti eða á morgnana. Hvenær fer fólk í háttinn eða hvað? Og svo, er fólk ekki að stunda vinnuna sína? Ég bara spyr. Það er nú einu sinni þannig að í minni vinnu heyri ég ekki einu sinni í útvarpi hvað þá meir. Hef kannski ekki verið í réttu vinnunni.  Eins hef ég tekið eftir því að þeir sem eru í nefndum eða stjórnum í borginni eða hjá ríkinu, og eru á blogginu, eru greinilega að blogga í vinnunni, tímasetningin segir mér það. Datt þetta nú bara svona í hug. Kannski breytist þetta nú hjá mér í nýju starfi...... segi nú bara svona. 

Skólaslit afstaðin.

Jæja þá er búið að slíta skólanum í þetta sinn. Ég er nú samt ekki alveg komin í frí, en það er nú ekki langt í það. Sumarið er þegar planað. Ferð til Kaupmannahafnar eftir tæpa viku og svo ferð til Boston seinna í sumar. Fyrst ætla ég að halda upp á afmæli eiginmannsins, þar sem verður mikið húllumhæ, stuð og aftur stuð. Svo tekur við nýtt starf með haustinu sem verður skemmtilegt að takast á við.

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband