Hvað er hægt að gera við peningana frá frúnni í Hamborg???????

Kannski væri nú hægt að fara að gera eitthvað fyrir grunnskólana. Efna loforð í þeim "geira".         Það hefur ekkert verið gert í að bæta fólki þar álag sem það er í. Fólk er að niðurlotum komið og hreinlega uppgjöf í gangi. Uppsagnir á næsta leiti. Hvað þá? Útlendingar í störfin? Í sjálfu sér ekkert að því ef þeir eru mælandi á íslenska tungu. En er það lausn á vandanum? Störfin eru til staðar og hvernig viljum við manna þau. Með fólki sem hefur áratuga reynslu, eða óvant fólk sem ekki þekkir til barna sem sértæk vandamál.

Gert ráð fyrir 2 milljarða hagnaði á borgarsjóði

Ja hérna........

Þarna er taugatitringur í hámarki. Það eiga bókstaflega allir að sitja og standa og fara eftir því sem Bandarískir ráðamenn segja. Þetta endar með ósköpum. Ráðsmennskan og yfirráðin í þessu liði er þvílík að ma ma ma ma bara skilur þetta ekki.

Finna að Kúbu-flugi íslenskra flugfélaga

Hvað er eiginlega í gangi..

Ganga menn yfirleitt vopnaðir? Eru samskipti í vinnunni ekki í lagi? Maðurinn finnst vonandi og verður yfirheyrðu, og hvað svo? Verður honum bara ekki sleppt og málið útkljáð, eða hvað? Þannig endar það allt of oft.

Lagði til vinnufélaga síns með hnífi

Loksins loksins......

kemur búnaður sem stenst nútímann. Til hamingju slökkviliðsmenn, þetta er gott innlegg í ykkar frábæra starf. Þetta veitir okkur hinum líka mikið öryggi.

Slökkviliðið viðbúið alvarlegum eiturefnaslysum

Má ekkert vera ósnert.......?

Er það ekki "partur af prógammet" að ösla ár og holótta vegi þegar farið er í Þórsmörk. Að vísu hafa kannski ekki allir tækifæri til þess, eða farartækin. Það er hægt að skoða þetta frá mörgum hliðum eins og allt annað.

Ekki lögð malbikuð hraðbraut í Þórsmörk

Brjóstakrabbamein skoðað

Í kvöldfréttum á stöð 2 á fimmtudag var frétt um brjóstakrabbamein. Þar kom fram að 56 konur undir fertugu hafa greinst á fimm árum. Skipuleg leit er ekki hafin fyrr en konur hafa náð fertugs aldri. Í viðtali við Baldur Sigfússon segir hann að "það geri ekki neitt gagn". Halló er ekki allt í lagi? Það gæti kannski bjargað einhverjum mannslífum en "við myndum aldrei ráða við það og það yrði allt of dýrt, segir hann. Hvað er eiginlega í gangi hér. Við erum að tala um ungar konur sem e.t.v. eiga ung börn og svo eru þetta lifandi manneskjur. Að maðurinn skuli láta þetta út úr sér fyrir framan alþjóð. Það er nóg af peningum í gangi í þjóðfélaginu. Væri nú til dæmis ekki hægt að minnka allt þetta peningaaustur í "sósjallinn" hjá hinu opinbera? Það þarf enginn að segja mér að peningarnir séu ekki til.  Eigum við konur að láta þetta viðgangast? Eða bara nokkur yfir höfuð? Nei og aftur nei. Þetta var nú einum of.

Frítt í fjölskyldurgarðinn

Þeir sem vilja frítt í fjölskyldugarðinn geta örugglega fengið kortin sem starfsfólki grunnskólanna er ætlað að fá. Því ekki er vitað hvernig þau nýtast til tekna.

Vilja frítt í fjölskyldugarðinn

Rangt að send konur of snemma heim

Ég las grein í 24stundum í morgun sem fjallar um starf Huldu Jensdóttir ljósmóðir. Þá rifjaðist upp fyrir mér, að árið 1976 var ég svo heppin að komast að á Fæðingarheimili Reykjavíkur til að fæða mitt annað barn. Það var frábær staður. Þetta var eins og lítið heimili, afslappað og notalegt. Á hverjum morgni var leikfimi sem sent var út í útvarp sem hver kona var með undir koddanum. Það var Hulda sjálf sem talaði og undir var leikin slökunartónlist. Leikfimin fór þannig fram að það voru gerðar vissar æfingar miðað við þann fjölda dagar sem konurnar voru búnar að dvelja á heimilinu. "Nú hætta þær sem eru á fyrsta degi en hinar halda áfram" og svo koll af kolli. Síðan var slökun á eftir. Ég er alveg sammála Huldu konur eru að fara of snemma heim og hvíla sig ekki nóg fyrir fæðingu. Það hefur áhrif á börnin líka að far of snemma heim.

790 milljónum varið í starfsmannamál Reykjavíkurborgar

Er það þetta sem fólkið vill? Sundkort, bókasafnskort og inngöngu í fölskyldu og húsdýragarðinn. Er það þetta sem á að gera störf í leikskólum, grunnskólum og frístundarheimilum eftirsöknarverð?

790 milljónum varið í starfsmannamál Reykjavíkurborgar

Hvað gerir ný borgarstjórn.........

Hvað skildi nú ný borgarstjórn gera í sambandi við manneklu í grunnskólum, frístundaheimilum og leikskólum. Þannig er nú farið að á frístundaheimilum og leikskólum er ekki hægt að taka inn fleiri börn en fyrir eru vegna þess að það vantar fólk til að taka við þeim. Í grunnskólum er ástandið þannig að skólinn tekur inn þann fjölda barna sem honum er ætlað þó svo að starfsfólk sé ekki fyrir hendi. Það er til í dæminu að þar sem 5 manns var áður eru nú aðeins 2 starfsmenn. Þetta ástand er búið að vera síðan skólar hófust í haust. Það er bara enginn sem sækir um. Það skildi þó ekki vera út af launum eða hvað? Það var nú þannig áður að starf í grunnskóla var eftirsóknarvert starf. Það var vegna þess að það voru góð frí. Jólafrí, páskafrí og gott sumarfrí sem vann upp á móti lágum launum.  Þá voru að vísu starfsfólk á launadreifingu, þannig að viss prósenta var tekin af launum um hver mánaðarmót til að greiða fólki út yfir sumarið. Auðvitað voru þetta peningar sem fólkið átti fyrir, eða inni hjá borginni, var það eins og að leggja inn í banka um hver mánaðarmót nema þetta var vaxtarlaust. Nú hefur skólinn lengst í báða enda og jólafríið styst.  Nú er fólk skikkað í sumarfrí á vissum tíma og hana nú. Það er ekkert val. Það hefur víst verið gert samkomulag eða eitthvað í þá áttin, um að greiða fólki í umönnunarstörfum álag, aukagreiðsla um hver mánaðarmót. Á þetta að vera plástur eða væri ekki hægt að fá varanlegar umbúðir. Eftir því sem tíminn líður verður fólk þreyttara og endar með því að þeir sem fyrir eru segja upp. Ég er ekki að segja að leikskólar og frístundarheimili búi ekki við slæmt ástand, en það er bara ekki hægt að líkja þessu saman. Jæja nú þarf að vakna og setja einhverja aðgerð í gang. Ekki bara horfa á og hugsa málið. Við erum hér að tala um börnin okkar en ekki peningana sem aðrir gæta í bönkunum.