Ég las auglýsingu í morgunblaðinu í morgun...

Þar sagði frá fyrirtæki sem er nýstofnað, og tekur að sér að hald afmælisveislur fyrir börn. Þau voru að auglýsa eftir fólki og það kom fram í þessari auglýsingu að stafsfólkið yrði að vera alltaf í góðu skapi og með góða íslenskukunnáttu. Það eru nú bara ekki mörg ár síðan að afmælisveislu voru haldnar heima. Er þetta nú ekki orðin of mikil mötun fyrir börnin. Hafa þau ekki gott af því að skapa sjálf og finna leiki til að fara í í afmælinu. Allt er haldið utan heimilis, meira að segja afmæli barnanna. Auðvitað er þetta þægilegt þegar fólk vinnur mikið, fara á einhvern stað þar sem allt er til alls og fara svo heim. Það hlýtur að vanta allan persónuleika í afmælið. En eru þessar veislur eða afmæli að skila einhverju fyrir barnið? Ég bara spyr?

Nú er nóg komið

Það er ekki hægt að svelta heilsugæsluna meira en komið er. Niðurskurður bitnar á skólahjúkrun og það er alveg út í hött. Það hefur þegar verið skorið niður í skólahjúkrun sem bitnar svo á kennurum og starfsfólki skólanna. Eins og það hafi nú ekki nóg að gera, svona fáliðað eins og það er. Það er nú tími til kominn að þessir ráðamenn þjóðarinnar líti sér nær. Hvernig væri nú að minnka eða endurskoða t.d. dagpeninga sem þessir háu herrar fá á ferðum sínum erlendis og svo líka eiginkonur þeirra. Það er líka hægt að draga saman í öllum þessum nefndum sem settar eru á laggirnar og þeir sem sitja í þeim fá svo laun, fyrir hvað? Það kemur aldrei neitt frá þeim. Einkavæða heilsugæsluna? Nei takk fyrir, hvaða rugl er í gangi eiginlega.

VG: Einkavæðing heilsugæslu framundan

Taka harðar á málum.....

Það þarf að fara að taka harðar á þessum málum í sambandi við hraðaakstur og ölvunarakstur. Ekkert elsku mamma hér. Þetta er svipað og ganga með hlaðna byssu og plaffa eitthvað út í loftið. Þessir ökumenn, ef ökumenn skal kalla, eru að stofna öðrum vegfarendum í mikla hættu.

Tveir punktar eftir tvo daga

Léleg þjónusta hjá Símanum.

Nú ætla ég að nöldra. 

Þjónustan hjá Símanum við okkur hér sem búum í Selásnum í Árbæjarhverfi er fyrir neðan allar hellur. Það er varla hægt að vinna í tölvunni vegna lélegs sambands. Stundum liggur allt niðri og svo dettu allt út í miðri setningu. Fyrst hélt ég að þetta væri bara tölvan hjá mér, en svo fór ég að hafa sambandi við nágranna mína og höfðu þeir sömu sögu að segja. Meira að segja einn nágranninn fór með sína tölvu í viðgerð, en það var allt í lagi með hana. Ég hef talað við þá hjá Símanum og þeir viðurkenna að við sem búum á þessu svæði erum á svokölluðu svörtu og gráu svæði. Það er semsagt of langt í stöðina. En það er alveg ný stöð í Norðlingaholti sem er bara hinum megin við Breiðholtsbraut. Þá segja þeir að það sé nú bara ekki á dagskrá hjá þeim að tengja okkur þangað. Þetta er orðið ansi þreytandi.  Kannski væri þetta nú ekki svona ef þingmaður eða borgarráðsmaður byggi hér. Kannski bý ég bara ekki í rétta hverfinu.

Veðrið hefur áhrif á Flosa

Nú loksins kemst hann Flosi minn út. Hann hefur ekki þorað út vegna veðurs. Hann hefur því ekkert hitt vin sinn úr næsta húsi, hann Hnoðra. Það urðu því fagnaðar fundir þegar þeir hittust. Það er eins og ég skríði út úr híði þegar ég lít út eftir að það lægði. Hér er allt fullt af laufi. Ég skil ekki hvaðan allt þetta lauf kemur. Það eru öll trén í garðinum hjá mér, og næstu görðum,  orðin nakin. Það sem ég er "vistvæn", þá dreifi ég laufinu í beðin og moka mold yfir. Nú er ég að reyna að hrista af mér letina og koma mér upp á loft til að ná í jóladótið, eða aðventudótið. Þvo eldhúsgluggann og setja upp jólagardínur og koma aðventuljósum fyrir í gluggunum. Svo kemur smákökubakstur og laufabrauð. Þessi tími ársins er svo skemmtilegur. Halda í gamla siði, samvera með fjölskyldu og vinum. Kertaljós, ljúf jólalög, heitt kakó og njóta lífsins. Ummmmmmm

 

Gott framtak..

Þetta er gott framtak. Nú fer í hönd, og er þegar hafið, tímabil jólaglöggsins. Höldum athyglinni.

Umferðarátak gekk vel

Ný reglugerð hvað?.........

Lögreglusamþykkt og aftur lögreglusamþykkt..... út á hvað gengur málið? Verður samskipti borgaranna og öryggi þeirra eflt? Hvernig þá? Verða fleiri lögreglumenn á ferli og hvar ætla þeir að fá þá?  Lögreglan hefur verið mjög sýnileg og starf hennar eflt í miðborginni. Það tel ég alfarið að þakka Stefáni Eiríkssyni. Frábær embættismaður og gengur rösklega til verks.

Ný reglugerð um lögreglusamþykktir

Vani eða ávani

Geta afbrot verið ávanabindandi? Alltaf gaman af nýyrðum.

Vanaafbrotamaður í gæsluvarðhaldi

Ökumannasigtið

Alvarlegt mál en erfitt. Auðvitað er það frelsissvipting. Það var nú einhvern tíman þannig að ef þeir sem greinast með flogaveikir eru undir bílprófsaldri, þá er það vafamál hvort þeir fái bílpróf. Er það nú ekki hæpið að læknar skuli ekki hafa skildu til að tilkynna ef sjúklingur er á svo sterkum lyfjum, að það gæti skert einbeitingu þeirra eða getu til að stjórna ökutæki.

13 dauðaslys í umferðinni rakin til veikinda ökumanna

Embættisnafnabreytingar.......

Mikið hefur verið rætt um breytingar á embættisnöfnum stjórnarmanna. Það er kvenfólk í mörgum stjórnunarstöðum. Þetta hafa lengi verið kallaðir forstjórar, framkvæmdarstjórar. Það þarf þá að fara út um víðan völl. Hvað ef kona verður biskup? Verður hún þá bilskupa? Ráður er líka karlkyns og "ráða" er bara ljótt. Þessar breytingar eru bara bull finnst mér. Ráðherra er allt í lagi. Þó við séum menn og konur þá erum við öll mennsk.